МІНСКАЯ КОНКА

ЭКСПАЗІЦЫЯ

Музейная экспазіцыя размяшчаецца ў гістарычным цэнтры сталіцы - Верхнім горадзе, на тэрыторыі былога кляштара бернардзінцаў у помніку архітэктуры пачатку 20 стагоддзя і складаецца з некалькіх раздзелаў, якія распавядаюць пра жыццё Мінска 1890 - 1920-х гг.

У раздзеле «Па вуліцах губернскага Мінска» цэнтральным экспанатам з'яўляецца рэканструкцыя коннага вагона ў маштабе 1: 1. Зайшоўшы ў вагон, наведвальнік зробіць віртуальную паездку па горадзе. У падарожжа ў конным вагоне яго праводзіць кандуктар.

Падчас паездкі можна зрабіць прыпынак і зазірнуць у вітрыны самых папулярных крамаў мяжы XIX-XX стагоддзяў - крама Левіна, аптэка Стараневіча, не забываючы пры гэтым глядзець пад ногі, каб не ступіць на рэйкавы шлях.

У раздзеле «Упраўленне Мінскай коннай чыгункі» прадстаўлены фрагмент інтэр'ера канторы. Наведвальнікаў сустрэне строгі ўпраўляючы, які вывучае інфармацыйную зводку рэпартажаў аб рабоце конкі. Інтэр'ер канторы ўзноўлены па «Вопісу рухомай маёмасці 1913 года». Тут прадстаўлены рэдкі і для таго часу прадмет - друкавальная машынка «Міньён». Электронная карта дапаможа прасачыць маршруты руху конкі да 1928 года.

Прыняць удзел у рабоце Упраўлення можна, зняўшы тэлефонную трубку і праслухаўшы навіны і пажаданні ад служачых і гараджан.

Дыярама «Дэпо Мінскай конкі» у маштабе 1:33 уяўляе структуру коннага парку - вагонныя адрыны, стайні, лазарэт, павільён для пасажыраў, кузню.

Адчуванне паглыблення ў жыццё горада губернскага перыяду дапаўняе электронная гульня-квэст «Маршруты Мінскай конкі», па праходжанні якой на Ваш e-mail прыйдзе пасведчанне фурмана мінскай конкі альбо сведчанне наведвальніка экспазіцыі.

Сетка гарадскіх конных чыгунак праіснавала ў Мінску амаль 40 гадоў - з 1892 года ў 1928 год і паслужыла асновай для стварэння больш сучаснага транспарту - электрычнага трамвая. За гэты час сярод гараджан з'явіліся новыя і сталі больш запатрабаваныя такія прафесіі, як фурман, фарэйтар і кандуктар, аб концы журналісты рабілі рэпартажы, а жыхары складалі вершы ...

Усё гэта было ў тым самым Мінску, дзе сёння па шырокіх магістралях імчаць бесперапынныя транспартныя патокі і дзе рэйкі працягнуліся нават пад зямлёй.

ГІСТОРЫЯ

Музейная экспазіцыя «Мінска конная чыгунка» адкрыта Музеем гісторыі горада Мінска ў 2017 годзе - у год 125-годдзя з'яўлення ў Мінску першага гарадскога грамадскага траспорта - коннага трамвая.

Будынак экспазіцыі пра мінскую конную чыгунку або пра мінскую конку размяшчаецца ў гістарычным цэнтры Мінска Верхнім горадзе на тэрыторыі былога мужчынскага манастыра манахаў бернардзінаў, заснаванага ў 1627 г.

Манастыр быў зачынены ў 1859 г. i яго будынкі перададзены гораду. Было некалькі прапаноў па выкарыстанні манастырскіх будынкаў і пабудоў, у выніку якіх тэрыторыя манастыра была падзелена паміж Міністэрствам юстыцыі, ваенным ведамствам і гарадской пажарнай часткай.

Будынак, у якім размясціўся Музей мінскай конкі, займала пажарнае дэпо. Аб самім будынку вядома няшмат. У інвентары Мінскай гарадской пажарнай каманды за 1899 г. паведамляецца, што "... каменны 1-павярховы будынак пажарнага дэпо пакрыты жалезам». У 1905 г. яго рамантавалі: быў выпраўлены і атынкаваны цокаль, пафарбаваныя вокны і дзверы.

Паводле дадзеных інвентарызацыі гарадскіх будынкаў за 1910 год, пажарнае дэпо мела наступныя памеры: даўжыня 72 аршыны, шырыня 16,8 аршын, вышыня 6 аршын, плошча 1 118 аршын.

Для размяшчэння экспазіцыі пра першы гарадскі грамадскі транспарт Мінска будынак па вуліцы Кірылы і Мяфодзія выбрана не выпадкова. З 1892 па 1928 гады па вуліцы Кірылы і Мяфодзія (былая Манастырская) праходзіла Цэтральная лінія конкі.

КОШТ